Ikastolako jaia, ekainaren 2an, larunbata

Datorren ekainaren 2an, larunbata, Lauro Ikastolako jaia izango da, DBH4ko ikasleek antolatzen dutena euren guraso eta Ikastolako pertsonalaren laguntzaz (ikus egitaraua behean).

Berrikuntza deigarriak izango ditugu aurten, adibidez, Kid’s kit-car proiektuetako kotxeen erakusketa, DBHko KALAKARI ikasle-taldeak antolatutako “Scape room – Ihesgela”, Kiroldegiko Txikigunean; eta “pintxo tailerrak” Sukaldaritza egiten duten ikasleek eta ikastolako sukaldariek burutuko dituztela.

ESKOLA KIROLEKO IKASLEEN PARTIDAK: LH 5. ETA 6. MAILAK:

• Futbol 7: 10:00-11:30 (9:30etan Behekosoloan): Lauro Futbol 7ko Lauro A, B, C, D, E eta nesken taldeek parte hartuko dute.
• Saskibaloiko 4×4 txapelketa: 10:00-11:30 (9:30etan Behekosoloan): Mini A, B, C, D, E eta F  taldeek parte hartuko dute.

GURASOEN KIROL TXAPELKETAK:

Izen-emate orriak maiatzaren 25erako bidali behar dira info@behekosoloaxxi.com helbidera:

• 11:45-13:30: Areto futbol txapelketa, 7-12 jokalarietako taldeak. Gurasoen futbol txapelketa izen emate orria 2018
• 11:45-13:00: Saski 3×3 txapelketa gurasoentzako (Gurasoen saski 3×3 txapelketa izen emate orria 2018) eta “Familia jaurtiketa” jokuen txapelketa (Lauroko jaia Familia jaurtiketa jokuak izen emate orria 2018).
• 11:20: KROSSA. Eman izena jai-egunean, LHko jolastokian egongo den mahaian.
• 11:30-13:00: Xakera jokatzeko aukera.

MARMITAKO TXAPELKETA:

Bazkari-lehiaketan denon parte hartzea errazteko eta norberak bere mahai eta aulkiak jaiko espazioan garraiatzen ibiltzeak dakarren arriskua eta kaltea ekidin nahian, Kontseilu Errektoreak, Zuzendaritza Taldeak eta Jaiko Batzordeak, aurreko urteetako bazkari-lehiaketako partaideekin batera, ontzat eman du nagusi bakoitzeko 5 €ko izen-emate kuota bat kobratzea. Diru-kopuru honek ondokoetarako eskubidea ematen du: aulkia, mahaia, ur-instalazio eta hornidura, eta hondakin ezberdinetarako ontziak.

Beraz, bazkari-lehiaketan izena emateko prozedura ondokoa izango da: mezu bat bidali behar duzue candasm@lauro.org helbidera, ondokoak adieraziz:

• Taldearen ordezkaria izango den pertsonaren izen eta bi deiturak. Pertsona honi beste mezu batekin erantzungo zaio, lehiaketan parte hartzeko zenbakia esleituz.
• Talde horrekin bilduko diren familien zerrenda, familia bakoitzeko partaide guztien izen-deiturak adieraziz. Nagusi bakoitzeko 6 €ko kuota familia bakoitzari fakturatuko zaio, Ikastolan dagoen kontu zenbakian.
• Izena emateko azken eguna: maiatzak 27, igandea.

Lehiaketaren arauak:

• Lekua: Lehen Hezkuntzako jolastoki estalia, hezien bidez itxitako espazioan.
• Materiala: parte hartzaileek camping-gas eta tresnak ekarriko dituzte (debekatuta dago sua egitea). Goizean, 9:45ak arte hurbildu ahal izango dira kotxeak espreski jarritako “pibote” gorrietaraino. Marmitakoa sukaldatzea 10:30etik 13:30era izango da, ordu horretan aurkeztuko baita marmitakoa.
• Denboraz kanpo aurkezten diren marmitakoak: 10 minutuko atzerapenaz onartuko dira, baina puntu bateko isuna izango dute.
• Osagaiak: libre.
• Epaimahaiaren irizpideak: zaporea, aurkezpena eta patata eta arrainaren puntua.
• Epaiak: Ander, Ikastolako Sukaldaria; eta ikastolako guraso diren bi bolondres.

Batzordearen eskaera: kontsumitu edariak txozna eta kafetegian, mesedez, DBH 4ko ikasleen ibilbide amaierako bidaian laguntzeko.