Autoen sarrera eta aparkalekuak, arratsaldeetan

Haur Hezkuntzatik sartzen diren automobilek biribilgo ondoko parkinean aparkatuko dute; eta Ikastolako sarrera nagusitik sartzen direnek, Lehen Hezkuntzako patioan bereziki egokitutakoan.

Autoek ezin izango dute Ikastolako eremuan ibili busen zirkulazioak dirauen bitartean, 16:20tik 17:45era (argazkian, gorriz), ikasleen segurtasun handiagorako eta busen irteeraren kudeaketa hoberentzeko.

Jarraitu, mesedez, garraio zerbitzuko arduradunen aginduei.

Ikastolara etorri edota etxera joateko auto partikularrak erabiliz gero

Haur Hezkuntza

• Goizak
  Familiek errotonda ondoan dagoen parking-ean utzi behar dute autoa, busen etorrera ez oztopatzeko, eta ikasleak eraikinaren sarreraraino lagundu beharko dituzte.
  Ezin izango da autoa geratu edo aparkatu busen espazioan edo biribilgoan.
• Arratsaldeak
  Tutoreari jakinarazi behar diozue, idatzizko oharraren bidez; eta buseko zaintzaileari, ahoz. Ez baduzue tutorea ohartu, ikaslea busean hartu beharko duzue, Lehen Hezkuntzako parkinean dagoenean, zaintzailea ohartuz, eta ikasleen eta busen irteera oztopatu barik.
  Ohiko ordutegian: familientzat bi aparkaleku daude, beraz, utzi autoa bertan. Autoak ezin izango dira ez biribilgoan ezta busetarako espazio berezietan geratu edo aparkatu ere. Ikasleak jantokiko atetik aterako dira: 3 urtekoak, 16:10ean; 4 urtekoak, 16:15ean; eta 5 urtekoak, 16:20an.
  Ohiko ordutegia baino lehen: 16:00ak baino lehen izan behar da, ohiko irteera prozesua hasi baino lehen. Tutorea idatziz ohartu behar da eta umea gelan hartuko da.

Lehen Hezkuntza

• Goizak

Autoa Behekosoloko parking-ean geratuko dira eta, ikasleak jaitsi eta gero, bertan emango dute bira Ikastolatik irteteko. Ikasleak bertatik abiatuko dira euren eraikinera, jolastokia zeharkatuz.

Ezin izango da ibilgailurik gelditu busetako espazio berezietan.

• Arratsaldeak
  Tutoreari jakinarazi behar diozue, idatzizko oharraren bidez; eta buseko zaintzaileari, ahoz. Ez baduzue tutorea ohartu, ikaslea busean hartu beharko duzue, Lehen Hezkuntzako parkinean dagoenean, zaintzailea ohartuz, eta ikasleen eta busen irteera oztopatu barik.
  Ohiko ordutegian: familiek 16:30tan hartuko dituzte seme-alabak, jolastoki handian dagoen eraikineko irteeran (koloreetako zutabeak) eta ez ziklo bakoitzeko irteeran.
  Ohiko ordutegia baino lehen: 16:05ak baino lehen izan behar da, ohiko irteera prozesua hasi baino lehen. Tutorea idatziz ohartu behar da eta umea Lehen Hezkuntzako idazkaritzan itxaron behar duzue.

Lehen Hezkuntzako ikasleak batzeko lekua.